Berriak

bermeo 1


Maiatzean zehar Urdaibai Bird Center-ek Urdaibaiko biosfera erreserbako ikasketa zentroei zuzendutako hitzaldi ziklo bat antolatu du. Hitzaldi sorta hau, LH 3. eta 4. mailako ikasleei eta DBHko lehenengo ziklokoei bereziki zuzendutakoa izan da. Gainera, Urdaibai Bird Center-eko teknikariek emandakoak izan dira, edukiera handieneko inguruko lekuetan: Gernikako Liceo antzokia, Busturiako kultur etxea eta Bermeoko Nestor Basterretxea aretoa. Hitzaldi hauen helburua, proiektuan ikasleen parte hartze handiagoa lortzea da. Esan beharra dago, Hitzaldietara guztira 420 ikasle eta 20 irakasle hurbildu direla.

p2

Aranzadi Zientzi Elkarteak Bizkaiko Foru Aldundiaren eta Eusko Jaurlaritzaren laguntzarekin abian duen berreskuratze proiektuko lehenengo arrano arrantzalea Urdaibaira itzuli da

WOW (World Osprey Week) izenez ezagutzen den ekitaldia “Ospreys flyways linking communities” “Arrano arrantzalearen migrazio ibilbideak giza komunitateak elkartzen ditu” proiektuak mundu osoko eskolak batzen ditu. Proiektu honetan ekitaldi garrantzitsuena eg bideokonferentzia da, bertan, urtean zehar ikasleek egindako arrano arrantzalearen inguruko lanak aurkezten zaizkie munduko beste ikasleei.

IMG 9873

Urdaibai Bird Center-ek 2013.urtetik parte hartzen du proiektu horretan eta Eusko Jaurlaritzaren eta Bizkaiko Foru Aldundiaren Ingurumen Sailaren laguntza du. Erakunde horietatik ahalegin handia egiten da ingurumen hezkuntzarako plangintza egoki bat izan eta Urdaibai Biosfera Erreserban berriz ere arrano arrantzaleak berreskuratzeko.

Modu horretan, Urdaibain kokatzen diren Montorre eta Urretxindorra eskolek Skype bidezko konexioa egin dute Ingalaterra, Gambia, Italia eta AEBB beste ikasle batzuekin Urdaibain eramaten ari den arrano arrantzalearen ingurumen hezkuntza proiektuaren barruan.

“Ospreys flyways, linking comunnities” deritzon proiektuaren ekitaldia Urdaibai Bird Center-en burutu da. Bertan 30 pertsona inguruk parte hartu dute haur, irakasle eta gainontzeko pertsonen artean. Mundu osotik zehar, 100 irakaskuntza zentro inguru gonbidatuak izan dira internet bidez zuzenean ikusteko, streaming bidez.

Elkar ekintza horren bitartez lortu nahi izan dena ikasleak protagonistak izatea eta irakaskuntza zentro bakoitzak arrano arrantzalearen inguruan prestatu duen lana gainontzekoekin partekatzea izan da.

Ekitaldian antzezlanak, power point aurkezpenak, eta bideoak erakutsi dira. Horrekin batera, zauritutako arrano bat ikusteko aukera izan dute, zehazki New Hampshire eko ikasleek espeziea kontserbatzeko eta jendea kontzientziatzeko erabiltzen duten bera. Ekitaldia bukatzeko Montorre eta Urretxindorra eskoletako ikasleei beraiek sortu eta proiektuko kanta izango den abestia abestea eskatu zaie.

 

IMG 9881

 

Ekitaldi osoa ingelesez burutu zen eta amaiera moduan Montorreko eta Urretxindorrako ikasleek egindako pelikula emititu zen. Pelikula horrek eskola bietako ikasleen arrano arrantzaleen Urdaibaiko bizipenak biltzen eta Urdaibaiko arrano arrantzalearen proiektua azaltzen ditu.

Urdaibaiko Biosfera Erreserban Arrano Arrantzalea Berreskuratzeko Proiektuaren inguruko Ingurumen Hezkuntza Planaren barnean, proiektuaren baliabide ezberdinak zabalduko diren web ataria sortu da.

 

cerca01

 

Web atari hau proiektuaren erreferentzia izango da eta bertan eskuratu ahal izango dira proiektuaren barnean sortzen diren materialak, bai bertatik kontsultatu eta lantzeko eta bai deskargatzeko (erakusketak, komikiak, ipuinak, unitate didaktikoak etab.).

wow osprey 2015

Urdaibai Bird Centerretik, Eusko Jaurlaritzak eta Bizkaiko Foru Aldundiak lagunduta, zuzenean emitituko da ostiral honetan, martxoak 27, hainbat herrialdetako eskolen artean burutuko den bideokonferentzia.